Qarabağ Münaqişəsi Zamanı İtkin Düşmüş və Girov Götürülmüş Azərbaycanlı Uşaqlar Haqqında Məlumat Bazası

Qarabağ Münaqişəsi Zamanı İtkin Düşmüş və Girov Götürülmüş Azərbaycanlı Uşaqlar Haqqında Məlumat Bazasının Yaradılması” layihəsi Azərbaycan Uşaq Hüquqlarının Müdafiəsi Liqası (UHML) tərəfindən, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilmişdir. Layihənin əsas məqsədi Qarabağ münaqişəsi zamanı itkin düşmüş və girov götürülmüş Azərbaycan uşaqları haqqında informativ veb saytın yaradılmasıdır.  Bununla Erməni tərəfinin qəddarlığı və beynəlxalq konvenisyaların pozulması barədə dünya ictimaiyyətinə məlumat çatdırılacaq. Bundan əlavə, hazırki veb sayt olaraq itkin düşmüş və girov götürülmüş uşaqlar haqda məlumatın açıqlanması və bu uşaqların axtarışı üçün köməklik göstərə bilər. Layihənin çərçivəsində həm də girov uşaqlara dair çəkilmiş “Ağrılı yaddaş” filminin İngilis dilinə tərcüməsi və bu dildə altyazıların yazılması, itkin və girov uşaqların ailələrindən, həm də uşaq vaxtı əsirlikdən azad olan şəxslərdən mühasibələrin alınması, müvafiq sənədlərin və kitabların toplanması və bunların portalda yerləşdirilməsi həyata keçirilib. UHML məlumat dəstəyinə görə Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasına, “Gənclərin Töhfəsi” İctimai Birliyinə və Aygün Həsənoğluya minnətdarlığını bildirir və həmçinin mühasibələrdə iştirak edən girov götürülmüş uşaqların ailə üzvlərinə dərin təşəkkürünü bildirir.